Plantun de Prouvènço

Pèr coumpara dos planto d'encò nostre

Glyceria notata & Grimmia orbicularis

Glyceria notata

Poaceae Graminaceae

Nom en français : Glycérie à feuilles pliées.

Descripcioun :
Aquéu grand gramenun trachis en ribo d'aigo. Porto de fueio larjo, un pau plegado. Fai de lònguis enflourejado en paumo, li nous d'en bas an mai de dos ramo verticilado. Lis espigau fan de 10 à 25 mm e lis antèro, jauno, de 0,7 à 1,5 mm .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 30 à 100 cm
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Glyceria
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 10 à 25 mm
Flourido : Printèms - Estiéu

Sòu : Ca (Si)
Autour basso e auto : 0 à 1700 m
Aparado : Noun
Mai à avoust

Liò : Ribiero - Roubino - Ribo d'aigo - Mueio
Estànci : Termoumediterran à Mountagnard
Couroulougi : Cousmoupoulito
Ref. sc. : Glyceria notata Chevall., 1827 (= Glyceria plicata (Fries) Fries )

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.